XXVIII Campionato Provincial de Ourense de Caza de Arceas Xunta de Galicia

O pasado 18 de xaneiro, desputábase a fase provincial de Ourense de caza de arceas. Un campionato celebrado nos terreos cinexéticos do Tecor San Cristovo de Cea e que contou coa organización da Federación Galega de Caza en Ourense e coa colaboración da Sociedade de Cazadores de dito Tecor.

Con baixas temperaturas pero con ceos despexados comenzaba esta fase provincial de caza de arceas que resultou ser unha fantástica xornada cinexética para todos os cazadores participantes. 

O máis afortunado dos participantes xunto co seu bo facer foi Ivan Álvarez Pena que participou coa setter “Trina Raiña Loba” e acadou o título de campión provincial con 500 puntos. Co mesmo número de puntos pero en segunda posición remataba Diego López Corbal que participou coa setter de nome “Garza”. O bronce foi para o cazador Cesáreo López Rodríguez e a setter “Diana de el Sirerol”. 

Estes tres primeiros clasificados xunto con José Carlos Otero e Diego Dorado conforman a selección provincial para o vindeiro Autonómico da especialidade.

Este campionato provincial contou co patrocionio da Secretaría Xeral para o Deporte, Mutuasport e Arion.