VII Copa Federación Galega de Cans de Parada sobre Arcea Xunta de Galicia 

Un ano máis celebrábase, o pasado 28 de decembro, unha nova edición da Copa Federación Galega de Cans de Parada sobre Arcea, nesta ocasión nos terreos da Sociedade de Cazadores Labrada e Montouto e da Sociedade Deportiva de Cazadores O Pereiro. A proba contou cunha moi boa participación, con 35 cans divididos en 2 baterías.

Dentro dun ano frouxo en xeral en canto á presencia desta migratoria na nosa comunidade e de que os presaxios non resultaban moi esperanzadores, puidéronse atopar 3 arceas nunha das baterías e 2 na outra que deron xogo e permitiron clasificar a un can por cada unha.

1º Exc. Seeker de Montemayor, SIM de Estaban Cambón Bértoa

2º MB Chispa de Vilar de Donas, SIF de Juan Carlos Arteche.

3º, sen entrar en clasificación, Naca de Castrocán, SIF de Jesús Blanco.

Mellor can novo, sen entrar en clasificación, Arno do Coto da Néboa, de Francisco Santiago.

Este Campionato Galego contou co patrocinio da Secretaría Xeral para o Deporte, Proyecta Galicia, Mutuasport e Arion.