A FGC, aparte de ser participe desta iniciativa da RFEC e Mutuasport, tamén vai poñer en marcha unha acción solidaria para facilitar as doazóns por parte dos cazadores galegos. Nos vindeiros días aportaremos información detallada a cazadores e sociedades de caza 

No día de hoxe, a Real Federación Española de Caza e Mutuasport entregaron esta cantidade para axudar a paliar os graves prexuízos humanos, económicos e materiais na Comunidade Valenciana e Castela a Mancha.

A Real Federación Española de Caza (RFEC), formada polas federacións autonómicas de caza, e Mutuasport, a mutua dos cazadores españois, doaron 24.000€ aos afectados pola DANA ocorrida recentemente en Comunidade Valenciana e Castela a Mancha.

Desta forma, 20.000€ irán destinados á Comunidade Valenciana e 4.000 a Castela a Mancha, que serán canalizados a través das federacións de caza das rexións afectadas, para poder comprar os materiais básicos e alimentos que máis necesitan nestes momentos os municipios afectados por esta traxedia: botas de auga, luvas, pas, escobas, cubos, fregonas, carreterillas, produtos de limpeza e alimentos non perecedoiros.

Desde a RFEC e Mutuasport faise un chamamento a todo o sector para que fagan as súas doazóns seguindo a senda iniciada por estas entidades e outras empresas que xa están a facer as súas achegas para axudar aos miles de persoas afectadas pola situación. “Os cazadores demostramos unha vez máis que estamos e estaremos sempre dispostos a axudar aos que máis o necesitan”, destacou o presidente da RFEC, Manuel Gallardo.