Na pasada fin de semana, 23 e 24 de setembro, desputáronse os Campionatos de España de San Huberto e Percorridos de Caza con Arco, todo elo baixo a organización da Real Federación Española de Caza e estando Galicia representada por numerosos cazadores galegos.

Na disciplina de San Huberto, a proba nacional desputouse na localidade de Fiñana (Almería) e participaron un total de 95 deportistas nas categorías masculina, feminina e levantadores. Destacamos a actuación do xoven galego Juan José Canosa que obtivo o título de Campión da Copa España de San Huberto. Citar tamen o bronce obtido polo participante da selección galega, Corsino Valero, na categoría absoluta masculina. Canosa particpou coa pointer de nome “Nike da Chousa” e Valero coa tamén pointer “Mia de los Tsacianiegos”.

En Soria, concretamente na localidade de Castillejo de Robledo, desputábase a gran cita dos arqueiros de España, cita na que a Selección Galega estaba composta por un total de 7 arqueiros. Dita selección obtivo os seguintes resultados:

- Na categoría de Damas Arco Tradicional, Laura Fernández obtivo o primeiro posto e converteuse na campiona nacional na súa primeira participación.

- En Arco Tradicional Masculino Lee Ramsdale, obtiña a prata. 

- Eloy Álvarez tamén acadaba a prata en Arco Asistido Masculino.

- E en Cadetes, a xoven Nerea Piñeiro conseguía un moi merecido terceiro posto tamén na súa primera participación.

Estes grandes resultados súmanse a outros moitos acadados no presente ano 2023 por parte dos deportistas cinexéticos galegos que dan mostra da calidade e nivel competitivo que teñen os cazadores galegos, traendo grandes triunfos para a nosa Comunidade.