Campionatos provinciais de Pontevedra e Ourense de Compak Sporting

No día de onte, 2 de xullo, desputouse de xeito simultáneo os Campionatos Provinciais de Pontevedra e Ourense de Compak Sporting. Unha tirada desputada en Río Sar a 100 pratos e na cal o campión da proba foi Daniel Cebreiro García que rematou cunha marca de 94 pratos.

O campionato contou coa organización da Federación Galega de Caza de Pontevedra e Ourense e coa colaboración da Sociedade Deportiva Río Sar e Clube de Tiro Eido Dalbo.

Con enorme deportividade celebrouse esta proba na que os mellores tiradores galegos citáronse novamente en Río Sar.

Por detras de Cebreiro remataba Alfredo Augusto García Mendoza que foi o que obtivo o segundo posto da clasificación xeral con 90 pratos, acadando o primeiro posto da categoría Senior. Destacar a gran tirada realizada polo coruñés Juan Manuel Carou Rey que obtivo o terceiro posto da xeral con 88 pratos e foi o campión en nivel B.

No tocante ao Provincial de Pontevedra o campión foi Roberto Rodríguez Fernández con 87 pratos. Un título provincial para Roberto moi pelexado xa que tivo que desempatar con Manuel Blanco Puertas que acadaría o subcampionato. O terceiro posto foi para Daniel Domínguez Treinta con 86 pratos.

Francisco Javier Villanueva Dejuane foi o Campión Provincial de Ourense ao rematar con 79 pratos. A prata foi para Manuel Caramés Gorgal con 67 pratos. Compretou o podio en terceira posición Eliseo Faraldo Fernández con 55 pratos.

Fernando Sanchez Mancebo e Vicente Insúa López foron os que compretaron o podio Senior en segunda e terceira posición, respectivamente. 

Javier Suárez Da Fonte foi o xuvenil campión ao rematar a tirada coa extraordinaria marca de 80 pratos escachados. En veteranos o campión foi Antonio Castro Ferreiro e Ángel Mosquera Rodríguez campión en máster.

Este campionato contou co patrocinio da Secretaría Xeral para o Deporte, Proyecta Galicia e Mutuasport.