Campionato Galego de Caza de Raposo
Chegados das 4 provincias galegas, cazadores e cans, desputaron unha edición máis do Campionato Galego de Caza de Raposo. Unha proba desputada no concello pontevedrés da Lama, o pasado 4 de febreiro, baixo a organización da Federación Galega de Caza.
Un total de 14 equipos chegados de todas as provincias galegas participaron nesta proba autonómica na que as baixas temperaturas non impediron que nun día solleiro cans e cazadores desfrutaran dunha especial xornada cinexética.
A organización e dirección da proba destacou o saber estar e deportividade de todos os participantes que mantiveron un comportamento exemplar e souperon desfrutar dunha xornada máis de caza na que cans e raposos foron os protagonistas. Raposos que, unha vez extraidos os datos aportados polos equipos no control, goza de boa densidade polos montes da Lama sendo preto de 30 os exemplares avistados, un número moi superior en relación á cota de capturas.
A sorte fixo que os catro primeiros postos tivesen un representante de cada provincia, sendo o equipo pontevedrés “Rodeiro I” o equipo que obtivo o título de campión galego con 1.500 puntos. Con 500 puntos o subcampión era o equipo “BTV” da Coruña namentras que o bronce era para a cuadrilla “Doble Cero” do concello ourensá de O Irixo, tamén con 500 puntos. Ás portas do podio remataba, en cuarta posición, o equipo lucense “O Rosario” tamén con 500 puntos.
Un xantar de irmandade e a entrega de trofeos e recoñecementos puxo o punto e final a este Campionato Galego. Un campionato clausurado polas autoridades presentes e da que destacamos a intervención do presidente da FGC, Luis Eusebio Fidalgo, quen agradeceu o saber estar dos cazadores ao tempo que reclamou a necesidade de que a sociedade en xeral coñeza o verdadeiro sentido da caza e da figura do cazador.
Este campionato contou coa colaboración de pensos Bichoucos e co patrocinio da Secretaría Xeral para o Deporte e Mutuasport.
