I Campionato de Cans de Rastro Atraelados sobre Xabaril Salvaxe

Con motivo da celebración da XV Festa Gastronómica do Xabaril de Ribela (A Estrada – Pontevedra) desputouse a primeira edición do Campionato de Cans de Rastro Atraelados sobre Xabaril Salvaxe.

Todo isto organizado pola peña "O Colmillo" encabezada por Luis Rivas e Elías Piñeiro, en colaboración coa Sociedad de Cazadores Río Umia, co seu presidente José Miguel Porta, ao fronte. E como non, tamén coa colaboración da Federación provincial de Caza de Pontevedra.

Foi Miguel Villar o que co seu can de nome "Blanco" obtivo o primeiro posto ao acadar un total de 222,5 puntos. En segunda posición remataba o lucense Rubén Chousa con “Gitana” e 208,5 puntos. O bronce era para Samuel Toledo con “Curro” e 195,5 puntos.

Foi unha proba onde os cans amosaron o seu gran nivel e que estivo xuzgada por Alfonso e Ramón Collazo, coa presencia de Oscar Meijide, en representación da Federación Galega de Caza e de Paco Couselo, Presidente da FGC de Pontevedra. O concello da Estrada estivo representado polo seu Tenente de Alcalde, Juan Constenla.

Todas estas autoridades fixeron a entrega de trofeos baixo a carpa da feira que contou cun aforo de máis de 200 persoas. Todo un éxito nesta primeira edición da proba e da xa XV edición da Feira Gastronómica do Xabaril de Ribela.