A FGC mantiña no día de onte, 12 de novembro, unha reunión de traballo coa Consellería de Medio Rural coa premisa da posta en marcha inmediata do protocolo de colaboración ante incendios firmado no seu día polo ente federativo e a Consellería de Medio Rural.

En dita xuntanza interviu o Conselleiro de Medio Rural, José González; o Director Xeral de Montes, Tomás Fernández-Couto e pola parte da Federación Galega de Caza o seu presidente autonómico, Javier Nogueira que estivo acompañado polos presidentes provinciais máis o tesoureiro e vicepresidente federativo. 

As primeiras medidas que se acometerán, entre outros traballos de xestión, será a realización de desbroces e limpeza de pistas forestais principais e estratéxicas, así como o acondiconamento de puntos de auga.

Ante isto, a FGC informa ás Sociedades de Caza de que no caso de desexar acometer algunhas destas accións preventivas ante os lumes nos seus terreos cinexéticos se dirixan as sedes das delegacións provinciais e central da FGC ou a través do email.: federacion@federaciongalegadecaza.com antes do día 25 deste mes de novembro.