Campionato Provincial de Pontevedra de Cans de Rastro Atraelados sobre Xabaril

Organizada pola Federación Galega de Caza en Pontevedra, puntuable para a Copa Galicia da modalidade e cunha participación que ascendeu a 42 especialistas disputouse en Silleda e máis concretamente no lugar de “Parada” (Monte do Candán) o XVII Campionato Provincial de Pontevedra de Cans de Rastro a Traílla.

Un espectáculo de alto nivel, no que as marcas estiveron moi apretadas, acadando a meirande parte dos finalistas unha puntuación superior os 200 puntos. Así quedou a clasificación nos primeiros postos:

CLASIFICACIÓN

1º e campión da xeral e campión provincial, Jesús Ares Lorenzo, con “Minicho” e 270,5 puntos.

2º e subcampión, Álvaro Fontenla, con “Muchachita” e 265,5 puntos.

3º, Michael Otero, con “Camarón” e 259,5 puntos.

Logo destes resultados pasan a formar a Selección que representará a Pontevedra no galego da modalidade os seguintes monteiros:

Jesús Ares, Sebastián Martínez, Salvador Sestelo, Antonio Sánchez (campión da edición anterior), José Rodríguez, Joaquín Fernández, Adolfo Vázquez, Bárbara Fontán e Miguel A. Nogueira. 

Salientar tamén, que o tempo acompañou. Que o escenario escollido tiña un chisco de todo. Que a deportividade estivo a altura do vistoso evento nas tres horas de exercicio e que as xóvenes Bárbara Fontán, clasificada para o “barraxe” final, e Tania Mª Núñez, na que se está forxando unha futura campiona, puxéronlle a nota feminina ao acontecemento que rematou coa entrega de trofeos, logo dun xantar de confraternidade.