Organizado pola Federación Galega de Caza en Ourense, a que contou coa colaboración do Concello de Piñor e da Sociedade de Cazadores local “Pena Maior” a que cedendo de maneira altruísta os terreos cinexéticos para o seu desenvolvemento, o pasado día 12 de maio disputábase en Ourense o “IX Campionato Provincial de Cans de Rastro Atrelados” no que participaron un total de 18 cadelos.
Un Campionato que, puntuable para seguinte rolda da modalidade, contou cunha boa climatoloxía a pesar de que choveu en algúns momento do exercicio, e cun nivel alto, tal e como o amosa a igualdade de puntos que se deu nas primeiras posición, quedando a clasificación deste xeito:
- 1º da proba, Salvador Sestelo Núñez (Pontevedra), co can “Beba” / 220 puntos.
- 2º, Antonio Sánchez Sesto (Pontevedra), co azul de Gascuña ”Tito” / 214 puntos
- 3º e campión provincial, Juan Fernández Vecino (Ourense), co can “Olé de Soñar” / 212 puntos.
- 4º, José Rodríguez Domínguez (Pontevedra), co astur cántabro ”Rider”. 206 puntos.
Rematada a competición levouse a cabo o tradicional xantar de confraternidade. Proclamación dos gañadores e a clausura do torneo que se disputou entre as 10 da mañá e ás 2 da tarde.
O tesoureiro federativo ourensán, José Castro Rivela, fixo de mestre de cerimonias, e o momento dos discursos o presidente da FGC en Ourense, Antonio García Reinoso, logo de agradecer a presenza de todos e de felicitar os gañadores, animou os presentes a permanecer unidos “diante dos ataques dos animalistas para suspender a caza en Galicia”. Anunciando unha próxima reunión con tódalas forzas políticas para facerlle saber as inquedanzas do colectivo cazador e coñecer a realidade da caza na nosa terra.
