Onte celebrábase no Centro de Actividades Cinegéticas Carlos Astorga en Archidona (Málaga) o XX Campeonato de España de Recorridos de Caza con Arco, que estivo organizado pola Real Federación Española de Caza (RFEC) en colaboración coa Federación Andaluza de Caza (FAC).
A pesar de que o sol acompañou durante toda a xornada, o intenso frío foi o protagonista ao comezo da competición, na que destacaron as orixinais propostas do percorrido con siluetas en movemento, como un xabaril lanzado desde unha tirolesa e simulando unha carreira no medio do monte, disparos desde un tree-caseta ou simulacións dun lance con arco á perdiz con reclamo (con audio incluído), evidenciando a gran dedicación e o detalle con que se organizou este Campionato de España.
A Selección Galega participante neste campionato tivo unha destacada participación, conseguindo unha prata e un bronce. Concretamente foron Dolores Bugarín Codeseda en Arco Asistido Feminino e Lee Ransdale en Arco Tradicional Senior quenes obtiveron os metais para o medalleiro galego.
SÉNIOR TRADICIONAL
- 1º Carlos Álvarez Delgado - Extremadura.
- 2º José Antonio Almenara Franco - Andalucía.
- 3º Lee Ransdale - Galicia.
FEMENINO ASISTIDO
- 1ª Gemma Manzano Vila - Madrid.
- 2ª Dolores Bugarín Codeseda - Galicia.
- 3ª Adela García Pajero - Madrid.
Durante a entrega de premios, o presidente da RFEC, Ángel López, agradeceu á Federación Andaluza de Caza, e especialmente ao seu presidente, o esforzo realizado para acoller este campionato, así como ao delegado de Arco da RFEC, Daniel González, e aos xuíces que arbitraron a proba pola súa colaboración para a organización desta final.
Dende a Federación Galega de Caza cabe felicitar aos nosos representantes pola súa boa actuación, como ben sendo habitual, nesta disciplina.
