Tal e como estaba pactado, o sábado, día 10 de xuño, celebrábase nos montes da Rúa e máis concretamente na zona coñecida como A Serra, o provincial ourensán de cans de rastro atrelados sobre xabaril. Proba clasificatoria para o Autonómico da especialidade na que competiron unha ducia de cans de varios puntos da xeografía galega, resultando gañador absoluto o pontevedrés Salvador Sestelo co can  “Pumuky” e un total de 208 puntos.

Seguiulle en méritos o can “Piloto” con 207 puntos, tamén de Sestelo Núñez. Mentres a terceira praza acadaba Manuel Fernández Vecino, con 189 puntos, resultando a vez campión provincial o que lle proporciona o pase o Galego da modalidade.

O exercicio disputouse entre as 10 da mañá e as 2 da tarde. O nivel a dicir do coruñés e xuíz único do evento, Emilio Vila, quen por certo anunciou a súa retirada da arbitraxe,  o nivel foi alto “xa que os escenario era moi duro e a calor abafante”, precisou.

Como ven sendo habitual, coñecidos os resultados levouse a cabo o xantar de confraternización e clausura, rematando coa entrega de premios. E falando de rematar, non podemos facelo sen dárllelas grazas publicamente ao presidente la Sociedade anfitrioa, José Miguel Pérez, pola súa amabilidade e atencións das que tódolos presentes fomos partícipes. O torneo estivo dirixido polos federativos José Castro Rivela e Manuel Feijóo.