O pasado día 2 de abril, disputouse nas instalacións do Campo de Tiro Río Sar, o Campionato Provincial de A Coruña de Compak Sporting organizado pola Federación Galega de Caza en A Coruña en colaboración coa Sociedade Deportiva Río Sar.

A proba acudiron un total de 39 tiradores que se enfrontaron a 100 pratos en diferentes canchas e con traxectorias moi diversas e con varios niveis de dificultade.

Foi o tirador Antonio Iglesias Otero o que se impuxo na clasificación xeral con 85 pratos escachados, non sen antes ter que resolver un intenso desempate con Daniel Cebreiro García que quedaba relegado ao segundo posto. Completou a clasificación xeral Roberto Rodríguez Fernández en terceira posición con tamén 85 pratos esnaquizados.

Na categoría de Veteranos impúxose o tirador Fernando Sánchez Mancebo con 78 pratos na mentres que o tirador José María González Rodríguez con 67 pratos resultaba gañador en Superveteranos.

En Damas a gañadora era María Mercedes Saavedra Suárez con 65 e en Xuvenís subía ao máis alto o xoven tirador David Nieto Seoane con 64 arxilas.