Tendo de escenario o Tecor de “Santiago de Corneda” (Pol de Piteira), unha boa organización, uns bos campos e nun día no que a chuvia foi a nota negativa da xornada, celebrouse o pasado día 7 de maio o Campionato Provincial de Percorridos de Caza de Ourense. Torneo clasificatorio para o Galego da especialidade no que competiron un total de 41 tiradores que foron repartidos en sete escuadras.

A clasificación nos primeiros postos e por categorías quedou como sigue:

Sénior:

1. e campión xeral, Antonio Iglesias Otero, con 90 acertos de 100 posibles.
2. e subcampión, Ángel Mosquera Cornide, con 88 dianas.
3. Daniel Cebreiro García, actual campión galego, cos mesmos pratos co anterior (ambos desempataron para decidir a clasificación)

• Campión provincial nesta categoría, Xosé A. Vázquez Rivera, con 79/100

Veteranos:

1. Ángel Ramón Vidal Quintela, con 79/100
2. Antonio Castro Ferreiro, con 77/100
3. e campión provincial, Eliseo Faraldo Fernández, con 76/100

Superveteranos:

1. Ángel Mosquera Rguez, con 68/100

Damas:

1. Mª Mercedes Saavedra Barcia, con 40/100

Handisport:

1. Artemio Formoso Barro, con 82/100
2. Juan José Iglesias Covas, con 43/100

Xuvenís:

1. Alejandro Fernández Seco, con 68/100
2. Antón Moure Segade, con 56/100

Salientar que o exercicio comezaba pasadas as nove da mañá e concluía preto das catro da tarde. De seguido un extraordinario cocido foi servido no Restaurante Xardín de O Carballiño. Xantar no que estiveron directivos da Federación de Caza en Ourense, organización e o presidente do Tecor anfitrión, Pepe Otero, quen colaborou de xeito notorio no acontecemento.

Á hora de facer uso da palabra, o mandatario social agradeceu a presenza de todos, mentres o presidente federativo amosouse satisfeito tanto pola participación como polo comportamento deportivo dos competidores, anunciando “sorpresas” para a seguinte edición.