O pasado 1 de maio disputouse no Campo de Fútbol Río Seco de Narón, unha edición máis da fase provincial de A Coruña de Paxariles que contou coa organización da Federación Galega de Caza en A Coruña e coa colaboración da Sociedade Ornitolóxica de A Faísca.

A maña transcorreu sen imprevistos e os diferentes paxaros cantores foron emitindo os seus cantos para o goce do resto de participantes e público alí presente.

Rematada a proba a clasificación final nas diferentes categorías resultou como segue a continuación:

Na categoría de Liñaceiro o campión foi Dionisio Ares Babarro cun total de 18 puntos. Iván Fajardo Cao acadaba o segundo con 5 puntos, os mesmos puntos pero en terceira posición situábase Arturo Porta Taibo.

En Xílgaro, o primeiro posto era para Iván Fajardo Cao con 164 puntos. Con 64 puntos e en segunda posición remataba Luis Roiz Rodríguez. E xa en terceira posición situábase Mª del Pilar Beltrán Blanco con 46 puntos.

Jesús Ángel Faraldo Ares en Mixto de Liñaceiro facíase co primeiro posto da clasificación xeral con 99 puntos. Mª Ángeles Pérez Arcos e Miguel Ángel Ares Ares remataban en segunda e terceira posición con 76 e 75 puntos.

Na categoría de Mixto de Xílgaro o campión era José Sanjuan Maceiras con 113 puntos. José Luis Gándara Conde acadaba o subcampionato con 93 puntos. Con 87 puntos e en terceira posición remataba Dionisio Ares Babarro.

En Verderolo o primeiro posto era para Pedro Fernández Jiménez con 32 puntos. Con 28 e 14 puntos Jonathan Crego González era o que completaba o podio.

E xa para rematar, en Mixto de Verderolo o campión era Jacobo Romero Gómez con 48 puntos, seguido en segunda posición por Mª Ángeles Pérez Arcos con 18 puntos. Repetía no terceiro posto Jacobo Romero Gómez con 16 puntos.