Co inminente comezo dunha nova tempada deportiva, a nova Comisión de Competicións da Federación Galega de Caza mantiña onte na sede da FGC en Santiago a súa primeira xuntanza, co fin de establecer os piares da estrutura competitiva deste ano.

Ás 17.00h da tarde esta comisión comezaba coa presentación dos membros da mesma, para logo pasar a establecer o calendario de competicións desta tempada. Trala pertinente revisión dos regulamentos das distintas disciplinas, realizouse tamén unha proposta da Normativa de Competicións para o ano 2015. Tanto o calendario como a normativa serán revisados e aprobados –se procede- pola Asemblea Xeral.

Trala pertinente quenda de rogos e preguntas, a xuntanza daba por finalizada arredor das 21.00h.