Campionato Provincial de A Coruña de Caza de Raposo

O pasado sábado 11 de xaneiro disputouse unha edición máis do Campionato Provincial de Caza de Raposo de A Coruña organizado pola Federación Galega de Caza en Coruña e contando coa colaboración das Sociedades de Caza de Nosa Señora da Cela de Monfero, Xabarín de Pontedeume, Monfero, A Becacina, Alecrín de Irixoa e O Castro de Cabañas.

A alta participación, ata un total de 34 equipos, e a densidade de raposos avistados, mais de 50, foron os ingredientes desta edición do campionato provincial de Caza de Raposo de A Coruña converténdose nunha extraordinaria xornada cinexética.

Foi o equipo “Urogallo” o que conseguiu acadar o primeiro posto da clasificación xeral ao abater 3 raposos que lle aportaron 1.500 puntos, converténdose deste xeito no novo Campión Provincial da especialidade. O segundo clasificado foi o equipo “Doble Cero”, que abateu 2 raposos acadando 1.000 puntos. Co mesmo número de puntos remataba en terceira posición o equipo “Raposa Vella”.

A estes 3 primeiros equipos clasificados engádeselles o equipo “Os Goyas”, conformando a representación da provincia de A Coruña na vindeira edición do campionato autonómico da especialidade.