Antón Arrojo, director de Galicia Cinexética, conducirá o apartado de caza.

O sábado, 21 de decembro, arranca o magazine “Caza e Pesca na Galega” na radio pública galega, un espazo dirixido e presentado polo xornalista Rodrigo Pérez Pardo. O programa, que se emitirá tódolos sábados entre as 7 e as 8 da mañá, está dividido en dous bloques, media hora dedicarase á actividade cinexética e a outra media hora á pesca. O novo espazo radiofónico pretende abordar tódolos temas de actualidade, con entrevistas, consellos, axendas, etc., dos dous deportes tradicionais por antonomasia en Galicia.

Acompañarán a Pérez Pardo, na presentación do programa Suso Bolaño e Manuel Mouzo, que se encargarán da Pesca,  mentres que  o apartado cinexético conducirao Antón Arrojo,  cazador, biólogo, e director de Galicia Cinexética, ao que desde estas páxinas a Federación Galega de Caza deséxalle moitos éxitos nesta nova andadura informativa. Arrojo sumase así a ese pequeno grupo de xornalistas cinexéticos que fixeron as delicias dos cazadores desde as ondas públicas galegas, Luis Macias con Fauna Deportiva –no que tamén colaboraba Rosa Vázquez-, e Miguel Piñeiro con Rios e Montes.