X Copa España de Caza de Raposo
O pasado sábado 26 de xaneiro tivo lugar a proba raíña das competicións cinexéticas que se desenrolan na nosa comunidade galega. Un ano máis, a X edición da Copa España de Caza de Raposo congregou a centos de cazadores que, baixo a organización da Real Federación Española de Caza e a Federación Galega de Caza, desfrutaron dun xornada de caza de raposo por terras da provincia de Ourense grazas a colaboración das Sociedades de Caza de Trives, San Xoán de Río e Terra de Caldelas.
As boas condicións climáticas baixo as que transcorreu a xornada, xunto coa abundancia de caza nos montes de ditos Tecores, fixeron que a proba fose do máis frutífera en canto ao desfrute cinexético. Ata preto de 100 raposos foron avistados polos 35 equipos participantes nesta décima edición da Copa España de Raposo.
Chegado o mediodía e segundo o horario previsto pola organización, os diferentes equipos foron facendo a súa entrada no control, onde a abundancia de exemplares de corzos, xabariles e raposos avistados era o principal tema de conversa dos diferentes equipos participantes.
