XXIII Campionato Galego de Percorridos de Caza con Arco
O pasado domingo 20 de agosto celebrouse o XXIII Campionato Galego de Percorridos de Caza con Arco na localidade de Soutomaior - Pontevedra. Unha proba na que participaron un total de 38 arqueiros e que foi a derradeira tirada que pechaba a tempada e daba a coñecer os representantes galegos para o Campionato Nacional a celebrar en Soria o vindeiro 24 de setembro.
Este campionato contou coa organización da Federación Galega de Caza e a esencial colaboración e traballo do Clube Cazarco. Coma sempre, os participantes pasaron unha entretida mañá no campo de tiro da sociedade sito en Candán, resolvendo un circuito de 8 propostas de caza: asexos, postos elevados de caza maior e menor, etc. o que fixo que os participantes non tivesen tempo para aburrirse. Destacar a participación de 8 mulleres, 4 nenas e 1 neno, feito que amosa o aumenta da paixón polo arco, nun sector predominantemente masculino.
Terminada a proba, os participantes e acompañantes gozaron da tradicional comida e posterior entrega de trofeos aos premiados por parte do delegado autonómico e presidente da sociedade Cazarco, Jaime Villaverde.
Resultados da derradeira proba da tempada de percorridos de caza con arco:
- Arco Asistido Masculino: 1 Jaime Villaverde, 2 Eloy Álvarez Couñago e 3 Miguel Caruncho Campanario.
- Arco Tradicional Masculino: 1 Jacobo Santoro Lorenzo, 2 Herminio López Noval e 3 Antonio Vega Talegon.
- Arco Asistido Damas: 1 Dolores Bugarín Codeseda, 2 María del Carmen Novoa Varela e 3 Marina Oliveira Amoedo.
- Arco Tradicional Damas: 1 Laura Fernández Crespo, 2 Maria Luz Tombilla Escudero e 3 Carolina Comesaña.
- Arco Junior: 1 Paula Formoso Nieto
- Arco Cadetes: 1 Carlota Otero Cayetano, 2 Nerea Piñeiro e 3 Serafín Germán Veiga.
Unha vez recollidos os resultados de todas as probas da especialidade desputadas na presente tempada, o Campionato Galego rematou do seguinte xeito:
- Arco Asistido Masculino: 1 Jaime Villaverde Balado, 2 Miguel Caruncho Campanario e 3 Eloy Álvarez Couñago.
- Arco Tradicional Masculino: 1 Jacobo Santoro Lorenzo, 2 Herminio López Noval e 3 José García Gómez.
- Arco Asistido Damas: 1 Dolores Bugarín Codeseda, 2 Marina Oliveira Amoedo e 3 María del Carmen Novoa Varela.
- Arco Tradicional Damas: 1 Laura Fernández Crespo, 2 Maria Luz Tombilla Escudero e 3 Eva Davila Rodal.
- Arco Junior: 1 Paula Formoso Nieto
- Arco Cadetes: 1 Carlota Otero Cayetano, 2 Nerea Piñeiro e 3 Iria Boullosa Currás.
Este campionato contou co patrocinio da Secretaría Xeral para o Deporte, Proyecta Galicia e Mutuasport.
