VI Campionato Galego de Field Target

O domingo 14 de maio o Campo de Tiro Río Sar acollía o Campionato Galego de Field Target organizado pola Federación Galega de Caza e contando coa colaboración da Asociación Galega de Tiro de Campo e a Sociedade Deportiva Río Sar.

Ás 9:30 horas os diferentes tiradores chegaban a Río Sar e comenzaba a posta a punto coa apertura do campo de centrado. Lugar onde cada tirador fixo os reglaxes oportunos nas súas armas.

Ás 10:30 horas arrincaba a competición e os participantes enfrontáronse a 50 siluetas repartidas en 25 “calles” a unhas inclinacións e distancias de tiro de ata 50 metros.  

Na categoría de Pistón o primeiro clasificado e polo tanto campión galego foi Luis Barcea. O segundo e terceiro caixón do podio eran para Daniel Pérez e Antonio López, respectivamente .

Na modalidade de PCP e na categoría de menos de 16 xulios o título de campión galego era para Luis Gutiérrez. Javier Chantada facíase coa prata namentres que Antonio J. Figueroa era o terceiro clasificado.

Na categoría de máis de 16 xulios o campión era Jose Luis Vascuas Martínez, revalidando o título acadado na pasada edición. A prata era para Andrés Gato.

A entrega de premios puxo o punto e final a esta sexta edición do Campionato Galego de Field Target. Un campionato que contou co patrocinio da Secretaría Xeral para o Deporte, Proyecta Galicia e Mutuasport.