XIX Campionato Galego de Cetraría

O pasado 29, 30 e 31 de outubro desputouse o XIX Campionato Galego de Cetraría no concello ourensá de Xinzo de Limia, concretamente na localidade de A Lama. Un campionato organizado pola Federación Galega de Caza e contando coa colaboración da Sociedade Galega de Cetraría e a Sociedade de Cazadores de “Xinzo de Limia”.

Baixo unhas condicións climáticas pouco propicias, en especial na xornada do domingo, na derradeira fin de semana do mes de outubro desputábase unha edición máis do autonómico de cetraría. Un campionato que contou coas categorías de: altanaría a pomba lanzada, baixo voo azores a perdiz, baixo voo Harris a faisán, pequenas aves a paspallás e brazo tornado (falcóns) a perdiz.

Todo comenzaba o venres 29 de outubro ás 21:00 horas na Casa da Cultura de Xinzo de Limia coa recepción de cetreiros. Durante a cal tivo lugar tamén a presentación do campionato e o sorteo de quendas de voo

Altanería

Na modalidade de altanería o título de Campión Galego era ara Rogelio Domínguez Tubío con 72,25 puntos. Con 63,5 puntos o subcampionato era para Antonio Reza Montenegro e o terceiro posto do podio era Lucas Boubeta Verogal con 56 puntos.

Baixo Voo

Na modalidade de Baixo Voo a participación foi moito máis alta.

Na categoría de Azores o Campión Galego era Pedro A. Sanjuan Martínez con 58 puntos. Claudio Abalo Carrera facíase co segundo posto da clasificación xeral con 57 puntos. O bronce con 50,5 puntos era tamén para Pedro A. Sanjuan Martínez.

En Harris o campión era Ángel Barcenilla Puerta con 63,5 puntos seguido en segunda posición por Francisco González García. O terceiro posto era para o cetreiro Héctor Fernández Gondar con 55 puntos.

Brazo Tornado

Rubén P. Paz Brión con 54,5 puntos era o campión desta categoría seguido moi de preto, xa en segunda posición, por Francisco González García con 53,5 puntos. O bronce era para Evaristo González  Rodiño con 52,75 puntos. 

Copa Pequenas Aves

Na categoría de Pequenas Aves resultaba campión e subcampión Ignacio Orge García con 49,5 e 47 puntos respectivamente. Xa en terceira posición remtaba o cetreiro Evaristo González Rodiño con 38,25 puntos.  

A cerimonía de proclamación “Cetreiros do Camiño” e a entrega de premios, na que estiveron presentes diferentes autoridades, puxo o punto e final a este autonómico.  

Este campionato autonómico contou co patrocionio da Secretaría Xeral para o Deporte e Mutuasport.