O pasado 18 de abril disputábase en Vila de Cruces (Pontevedra) o Campionato Provincial de Pontevedra de Percorridos de caza con Arco, organizado pola Federación Galega de Caza en Pontevedra en colaboración coa Sociedade de Caza “Cazarco”.

Na categoría de Arco Asistido o gañador era Jaime Villaverde Balado que acadaba 205 puntos, proclamándose Campión Provincial. Segundo clasificado era Oscar Arias Díaz con 172 puntos, rematando terceiro Juan Carlos Fernández Vázquez con 167 puntos.

En Arco Tradicional o primeiro clasificado da proba era Enrique Naveira Carro con 105 puntos, da provincia da Coruña. Segundo era o lucense Antonio Rodríguez Iglesias con 76 puntos, sendo terceiro Abel López Lepiani con 72 puntos, tamén da provincia de Lugo. O primeiro clasificado da provincia de Pontevedra e polo tanto Campión Provincial era Carlos Silva García, que remataba 4º con 68 puntos.

En Long Bow o gañador e Campión Provincial era Oscar Casal Rodas que acadaba 110 puntos, seguido de Antonio Fernández Viz que remataba a proba con 81 puntos. O terceiro posto era para Manuel Fernández Fraiz con 67 puntos.

Na categoría de Damas a Campiona Provincial era Dolores Bugarín Codeseda con 137 puntos; na categoría Cadete gañaba o campionato Rubén Arias Lemos con 42 puntos, mentres que Iago Arias Lemos facía o propio en categoría Junior con 61 puntos ao remate da proba.