O pasado domingo 7 de maio disputouse o Campionato Provincial de Pontevedra de Percorridos de Caza con Arco organizado pola Federación Galega de Caza en Pontevedra e contando coa colaboración do Clube Cazarco e a Sociedade de Caza A Peneda.
Preto de 30 arqueiros e arqueiras déronse cita en Candán - Soutomaior para participar nesta IX edición da fase provincial de Percorridos de Caza con Arco.
Na modalidade de arco asistido o campión foi Ángel Villaverde Balado con 260 puntos seguido de Miguel Caruncho Campanario en segunda posición con 215 puntos. Rafael Ángel Nieto situábase no terceiro caixón con 210 puntos.
En arco tradicional o campión era o arqueiro Lee Ransdale con 226 puntos. O subcampionato recaía en Jacobo Santoro Lorenzo con 195 puntos. Con 181 puntos o terceiro posto era para José García Gómez.
En damas asistido a campioa era Mª Carmén Novoa Varela con 187 puntos seguida de Dolores Bugarín Codeseda Marina Oliveira Amoedo con 178 e 103 puntos en segunda e terceira posición respectivamente.
Na categoría xuvenil o campión era José Caruncho Villalba con 114 puntos namentres que en cadetes o primeiro posto era para Marcos Gómez Dacosta con 212 puntos.
