A fin de semana do 18 e 19 de abril tivo lugar en Sada (A Coruña) a 3ª e 4ª proba da Liga Autonómica de Agility da Federación Galega de Agility. A proba organizouna o clube de Agility Coruña e nela participaron 40 cans o sábado e 43 o domingo, cos seguintes resultados:
Sábado
En grao 1, categoría estándar quedou en primeiro lugar Roberto Maio con Gala, en segundo lugar Mara Ríos con Jack e en terceiro María Oreiro con Xala, todos eles de Agility Coruña. En categoría midi-mini o gañador foi José Manuel con Chispa de Agility Coruña, o segundo foi Rosa Méndez con Simba, de Agility Compostela e o terceiro Manuel Dopico con Milo do club Lobos de Naraío.
En grao 2, categoría estándar o gañador foi María Oreiro con Yack de Agility Coruña, a segunda foi Silvia López con Cata, de Agility Compostela e o terceiro Julio Freire con Chika, do club Patas. En categoría midi-mini gañou Julio Freire con Peka, do club Patas, en segundo lugar quedou Sergio Sánchez con Dalí, de Agility Ourense e en terceiro lugar Alba Alonso con Misha de Agility Compostela.
Domingo
En grao 1, categoría estándar quedou en primeiro lugar Roberto Maio con Gala e en segundo lugar Juan Carlos Vázquez con Ringo ambos de Agility Coruña. En terceiro lugar quedou Ina Wunschmann con Foxy do club Lobos de Naraío. En categoría midi-mini a gañadora foi Silvia Núñez con Nano, de Agility Compostela, o segundo foi José Manuel Montero con Chispa e o terceiro Marco Álvarez con Lola, ambos de Agility Coruña.
En grao 2, categoría estándar o gañador foi Jorge Vázquez con Modia de Agility Compostela, en segundo lugar quedou Jorge Ramos con Daxa, de Agility Coruña e en terceiro lugar quedou Silvia López con Cata, de Agility Compostela. En categoría midi-mini gañou Julio Freire con Peka, de Agility Patas, en segundo lugar quedou Antonio Pereiro con Coco, de Teocan e en terceiro lugar Alba Alonso con Misha de Agility Compostela.
Os xuíces de grao 1 foron María Gutierrez e Julio Freire. En grao 2 xulgaron Carlos Souto e Bruno Otero.
Ao rematar a proba oficial, o club organizou unha proba de grao 0, na que participaron uns 30 cans cans que están empezando a facer Agility ou que aínda non teñen a idade regulamentaria para competir en probas oficiais.
Grado I
Grado II Mini/Midi Grado II Standard
