A Consellería de Medio Ambiente e Ordenación do Territorio fai pública no Diario Oficial de Galicia (DOG) de hoxe, 30 de maio, a RESOLUCIÓN do 19 de maio de 2017, da Dirección Xeral de Patrimonio Natural, pola que se determinan as épocas hábiles de caza, as medidas de control por danos e os réximes especiais por especies durante a tempada 2017/18.
Esta resolución abrangue o período comprendido entre o 1 de agosto de 2017 e o 31 de xullo do ano 2018, por tanto é importante indicar que ata o vindeiro 31 de xullo de 2017 aínda rixe a anterior resolución.
