 Ven de detectarse en varios tecores unha nova variante da Enfermidade Vírica Hemorráxica (EVH) no coello de monte, e ante a próxima apertura da tempada de Adestramento (1 de setembro), desde esta Federación Galega de Caza pensamos que este é o momento máis axeitado para que os cazadores coñezamos máis polo miúdo esta grave enfermidade que afecta, ou pode afectar, aos coellos dos nosos tecores, e ao mesmo tempo poder colaborar, mediante a recollida de mostras, cando detectemos animais mortos que presenten signos da enfermidade.
A FGC ven de elaborar un Protocolo con información sobre a nova cepa da EVH, sobre as medidas de prevención, e tamén as precaucións que deberemos adoptar para tratar de impedir a dispersión da enfermidade. Este documento pódese descargar nesta sección e tamén pode soliciarse directamente á Federación.
Tamén pode descargar unhas pautas básicas, para a recollida de mostras, extraídas do Plan de Vixilancia da Xunta de Galicia.
Agardamos, e desexamos, que coa colaboración de todos, sociedades e cazadores, Administración, e outras entidades, consigamos impedir que se espalle esta enfermidade polos tecores da nosa Comunidade.
|
