Campionato Provincial de Ourense de Caza San Huberto
O pasado sábado día 5 de maio, disputouse no Tecor da Sociedade de Cazadores de Nogueira de Ramuín a fase provincial de Ourense de Caza San Huberto organizado pola Federación Galega de Caza en Ourense coa colaboración de dita sociedade de cazadores.
A cita acudiron un total de 7 participantes que foron xulgados por José María Álvarez Villa e Rubén Boquete Varela, actuando este último como auxiliar.
Rematada a proba, o Director da mesma, Manuel Feijoo Castro, deu a coñecer a clasificación final, sendo o concursante Iker Cenzual Delgado co can “Dardo de la Coplilla” (E.B.M) o gañador provincial cun total de 76 puntos. En segunda posición situouse José Manuel Rodríguez Martínez con “Lex de Barbanza” (S.I.M) e un total de 64 puntos. Con 61 puntos e en terceira posición ubicouse o cazador Antonio Oliveira Pego con “Killer” (S.I.M).