Na xornada dominical do día 10 de xullo, disputouse no Tecor da Sociedade de Cazadores A Tomiñesa, a edición XXV do Campionato Provincial de Pontevedra de Caza San Huberto organizado pola Federación Galega de Caza en Pontevedra en colaboración con dita Sociedade de Caza.

A proba foi transcorrendo sen incidentes e os 21 participantes cos seus respectivos cans poideron disfrutar dunha excelente xornada da modalidade de caza San Huberto.

José Moure Caneda, Antonio González Álvarez e Santiago Saavedra Cuiña foron os encargados de xulgar esta vintecinco edición na que o cazador Carlos Lalín Ferreiroa co seu pointer “Koka” obtivo o primeiro posto da clasificación masculina cun total de 59 puntos. Por detrás del, José Ramón Zamora Lorenzo acadou o subcampionato con “Back” un setter inglés co que sumou 55 puntos. Xa no derradeiro caixón situouse José Luís Tarrío Prieto co setter inglés “Yellow”.

Na clasificación feminina a gañadora foi Rocío Lede Marió con “Sol” e na categoría de Springels o primeiro posto foi para David Andrew Howatson con “Furud” e 77 puntos.