A proba disputouse no Campo de Tiro “Eido Dalbo”

O pasado 5 de xuño tivo lugar en Xinzo – Ponteareas (Pontevedra) o XII Campionato Provincial de Compak Sporting organizado pola Federación Galega de Caza de Pontevedra en colaboración coa Sociedade “Club de Tiro Eido Dalbo”.

As instalacións do Campo de Tiro “Eido Baldo” acolleron esta cita provincial disputada sobre 100 pratos e baixo o arbitraxe de Moises Balboa Pereira e César Tosar Martínez.

A hora de escachar o maior número de pratos, foi Martín Baqueiro Villafines o que na categoría xeral absoluta e seniors o que con 96 pratos derribados acadaba o primeiro posto converténdose deste xeito no novo campión provincial da modalidade. A tan so dous pratos de Martín, situábase no segundo posto Roberto Rodríguez Fernández e xa en terceira posición e con 91 pratos escachados clasificábase o tamén pontevedrés Gabino Villamor Vázquez.
Na categoría de xuvenís o campión foi o xoven tirador Manuel Garrido Brito con 76 pratos escachados.

En veteranos, o primeiro posto era para o ourensán Jose María González Rodríguez con 82 pratos derribados.

Na categoría de superveteranos, foi Miguel Blanco Álvarez o gañador cun total de 58 pratos escachados.