Nunha carpa situada na praza da Carballeira, no núcleo urbán de Pol, xuntáronse preto de 200 persoas entre cazadores, directivos de sociedades de caza e autoridades para asistir a esta primeira edición que se centrou nunha das raíñas das especies cinexéticas de Galicia, o xabaril.
A xornada deu comezo as 21:00 horas coa poñencia de Juan Carlos del Campo, Biólogo e Xefe do Servizo de Vida Silvestre do Principado de Asturias que durante unha hora puxo en coñecemento os asistentes as particularidades da xestión e caza do xabaril en Asturias así como diferentes puntos de interese da Lei de Caza do Principado de Asturias.
A segunda poñencia correu a cargo de Eliseo López Díaz, veterinario e prestixioso monteiro bicampeón de España. Unha charla que versou nas diferentes particularidades do rastro do xabaril así como o emprego e adestramento dos cans para a caza do suído froito da experiencia persoal como Director Técnico do Grupo de Monteros El Molín.
A xornada rematou cunha mesa redonda moderada polo cazador e ex–presidente da Federación Galega de Caza, José María Gómez Cortón. Unha mesa na que os asistentes tiveron a ocasión de expoñer as súas inquedanzas os poñentes.
Unha degustación de produtos galegos puxo o colofón desta primeira Xornada de Caza e Natureza.