O pasado día 15 de maio, disputábaseno Campo de Tiro Río Sar da Sociedade Deportiva Río Sar, o Campionato Provincial de Percorridos de Caza organizado pola Federación Galega de Caza en A Coruña xunto coa colaboración de dita Sociedade Deportiva.
A proba disputouse sobre un total de 100 pratos e a ela acudiron un total de 48 tiradores que foron xulgados polos árbitros: Manuel Pérez Fernández, Leonardo García Otero, Emilio Romero Castro e Ricardo Rivera López.
Unha vez que os tiradores percorreron as 4 canchas das que contaba este Campionato Provincial e reunido o Xurado de Competición integrado por Pedro Nieto, José Sánchez e polo Director da proba José Sánchez Brea a clasificación quedou do seguinte xeito.
Antonio Iglesias Otero da Sociedade Río Sar, cun total de 83 pratos escachados foi o gañador absoluto desta edición converténdose deste xeito no Campión Provincial da modalidade. Na segunda posición situouse, a tan so dous pratos de Iglesias Otero e polo tanto con 81 pratos escachados, Martín Baqueiro Villafines. Completou o podio José Luis Sánchez Mancebo na terceira posición e un total de 79 pratos escachados.
Na categoría de veteranos impoñíase Antonio Castro Ferreiro cun percorrido no que acadaba escachar un total de 69 pratos. Ángel Mosquera Cornide foi o gañador na categoría de superveteranos cun total de 74 pratos escachados. En xuvenís o gañador foi José Manuel Torres Parada ao derribar un total de 37 pratos.