O pasado sábado, o tecor da sociedade de cazadores San Martín, de O Grove, acollía a celebración do Campionato Provincial de Caza Menor con Can, no que participaban un total de 20 cazadores da provincia.

O cazador da sociedade de cazadores Caselas, Mariano Araujo Porto, coa cadela Bamba, entraba no control con unha arcea (500 puntos), o que o convertía en gañador absoluto do proba.

Segundo, e subcampión, foi Gustavo Martínez Pérez, da sociedade Tres Bes, con Chisca, que pasaba o control cun coello; mentres que o seu compañeiro, Miguel Sartal Franco, da sociedade A Lanzada, co can Pista entraba no control tamén cun coello facéndose así coa terceira praza.

En cuarto, quinto, e sexto posto, respectivamente, clasificábanse, José Antonio Vasconcellos Vicente, da sociedade A Rosaleña; Valentín Álvarez Expósito, da sociedade Tomiñesa; e Marcelino Arosa Dasilva, da sociedade A Lanzada.

O seis cazadores anteriores representarán á provincia de Pontevedra no Campionato Galego da modalidade, que se disputará o vindeiro 27 de novembro.

A organización correu a cargo da Federación Galega de Caza en Pontevedra, en colaboración coa sociedade de cazadores San Martín de O Grove.

Pos	Participante	Punt.
1º	Mariano Araujo Porto	500
2º	Gustavo Martínez Pérez	350
3º	Miguel Sartal Franco	350
4º	José Antonio Vasconcellos Vicente	150
5º	Valentín Álvarez Expósito	150