O pasado 30 de maio tiña lugar a décimo sexta edición da Festa da Caza de Lugo, que se celebra cada ano o derradeiro domingo de maio. Portomarín acollia unha vez máis esta festa que reúne os Campionatos Provinciais de varias modalidades nun só dia.
José Manuel Yáñez Castro é o novo Campión Provincial de Cans de Rastro de Xabaril
Na modalidade de Rastro de Xabaril celebrábase o XII Campionato Provincial, onde o gañador da proba era Álvaro Fontenla Filgueira con “Terco”, da provincia de Pontevedra. O segundo clasificado era José Manuel Yáñez Castro con “Ron”, primeiro participante da provincia de Lugo e polo tanto Campión Provincial da mesma. O terceiro posto era para Rafael Sante Riopedre con “Tizón”, tamén da provincia de Lugo.
| CAMPIONATO PROVINCIAL DE RASTRO DE XABARIL | |||
| Pos | Participante | Can (Raza/Sexo) | Puntos |
| 1º | José Manuel Yáñez Castro | Ron | |
| 2º | Rafael Sante Riopedre | Tizón | |
| 3º | Juan Fernández Vecino | Luna | |
| 4º | Alejandro Rio Campos | Zar | |
| 5º | Albano Pérez Labayén | Sena | |
René Vale García, con “Top”, gaña o Campionato Provincial de San Huberto
Na modalidade de San Huberto celebrábase o XV Campionato Provincial onde o gañador absoluto da proba era René Vale García con “Top” (SIM), quen se proclamaba Campión Provincial. O segundo clasificado na proba era Rubén Boquete Varela con “Acio” (SIM), da provincia de A Coruña. Terceiro foi Andrés Pena Vázquez con “Rambo” (SIM), segundo clasificado provincial.
| CAMPIONATO PROVINCIAL DE SAN HUBERTO | ||
| Pos | Participante | Can (Raza/Sexo) |
| 1º | René Vale García | Top Du Val D’Eautan (SIM) |
| 2º | Andrés Pena Vázquez | Rambo de Bosende (SIM) |
| 3º | Eduardo Blanco Mejuto | Marqués (PM) |
| 4º | José Ignacio Pérez Pérez | Zar (PM) |
| 5º | Manuel Ángel Varela Sar | Cúper (Perdiguero) |
Andrés Pena Vázquez, con “Rambo”, gaña o XXII Trofeo Cidade de Lugo de Caza Práctica
Na modalidade de Caza Práctica celebrábase o XXII Trofeo Cidade de Lugo, proba puntuable para a Copa Galicia da modalidade. O gañador da proba era Andrés Pena Vázquez, da provincia de Lugo, co seu can “Rambo de Bosende” que acadaba un Excelente. Segundo clasificado era o participante da provincia da Coruña José Sanmartin Pérez con “Ja da Chousa” cunha calificación de “Moi bo”. O terceiro posto era para Antonio Vilar Vigo, tamén da provincia da Coruña, quen con “Nei da Chousa” acadaba unha calificación de “Moi bo”
| TROFEO CIDADE DE LUGO DE CAZA PRÁCTICA | ||
| Pos | Participante | Can (Raza/Sexo) |
| 1º | Andrés Pena Vázquez | Rambo de Bosende |
| 2º | José Sanmartín Pérez | Ja da Chousa |
| 3º | Antonio Vilar Vigo | Nei da Chousa |
| 4º | Lorenzo Pazos | Maco |
| 5º | Antonio Vilar Vigo | Atos da Chousa |
Manuel Villar Arroyo proclámase Campión Provincial de Percorridos de Caza
Na modalidade de Percorridos de Caza disputábase o XV Campionato Provincial, que se disputaba sobre 100 pratos. O gañador absoluto da proba era José Antonio Vasconcellos Vicente, da provincia de Pontevedra, que escachaba 88 pratos. O segundo posto era para Roberto Rodríguez Fernández, tamén da provincia de Pontevedra que escachaba 88 pratos. Terceiro clasificado e primero da priovincia era Manuel Villar Arroyo, que remataba a proba con 86 pratos escachados.
Na categoría de damas a gañadora da proba era Josefa Mariño Estévez, da provincia de Pontevedra que escachaba 54 pratos; en veteranos gañaba Emilio José López Mosquera, con 76 prato escachados.
| CAMPIONATO PROVINCIAL DE PERCORRIDOS DE CAZA | ||
| Pos | Participante | Pratos escachados |
| 1º | Manuel Villar Arroyo | 86 |
| 2º | José González Yáñez | 76 |