A Presidencia da Xunta de Galicia publica hoxe, 23 de febreiro a Lei 1/2010, do 11 de febreiro, de modificación de diversas leis de Galicia para a súa adaptación á Directiva 2006/123/CE do Parlamento Europeo e do Consello, do 12 de decembro de 2006, relativa aos servizos no mercado interior.
Esta lei, no seu artigo 15º, introduce unha modificación na Lei 4/1997, do 25 de xuño, de caza de Galicia, na que o artigo 54, que fai referencia ás granxas cinexéticas, queda redactado da seguinte forma:
Artigo 54. Granxas cinexéticas.
1. As granxas cinexéticas teñen a consideración de explotacións gandeiras, conforme prevén a Lei 8/2003, do 24 de abril, de sanidade animal, e o Real decreto 479/2004, do 26 de marzo, polo que se establece e regula o Rexistro Xeral de Explotacións Gandeiras.
2. A autorización e o rexistro das granxas cinexéticas no Rexistro Xeral de Explotacións Gandeiras corresponderalle á consellaría competente en materia de gandaría, sen prexuízo da necesidade de informe previo e favorable do órgano con competencias en materia de caza».
