Campionato Provincial de Ourense de Caza Menor con Can

No Tecor de Porqueira desputouse unha nova edición do Campionato Provincial de Ourense de Caza Menor con Can. Novamente foi a Federación Galega de Caza en Ourense a que correu ca organización de dita proba que, coma sempre, contou coa inestimable colaboración da Sociedade de Cazadores de Porqueira.

Os diferentes cazadores acompañados dos seus respectivos cans e xuíces tentaron buscar os lances cinexéticos sobre as especies cazables permitidas. Lances que se produciron con bastante continuidade durante toda a xornada e mostra delo foron as altas cotas de capturas entregadas en control.

Foi o cazador Mikel Álvarez Soriano coa cadela “Lasy” o que obtivo o primeiro posto e o título de campión provincial ao chegar ao control cunha puntuación de 1.000 puntos. Con 860 puntos en segunda posición remataba o cazador Jaime Pintos Davila que participou coa cadela “Hidra de Pasarín”. O bronce era para Iván Álvarez Pena o cal, grazas ao traballo do seu can de nome “Suri”, entrou no control con 800 puntos.

Este campionato provincial contou co patrocionio da Secretaría Xeral para o Deporte, Mutuasport e Arion.