XIII Campionato Provincial de Pontevedra de Percorridos de Caza con Arco

O pasado 24 de xullo desputouse o Campionato Provincial de Pontevedra de Percorridos de Caza con Arco organizado pola Federación Galega de Caza en Pontevedra e contando coa colaboración do Clube Cazarco.

Arqueiros e arqueiras déronse cita en Candán - Soutomaior para participar nesta XIII edición da fase provincial de Percorridos de Caza con Arco.

 

Na modalidade de arco asistido homes o campión foi Jaime Villaverde Balado con 342 puntos seguido de Miguel Caruncho Campanario en segunda posición con 298 puntos. Pedro J. Martínez Ángel situábase no terceiro caixón con 277 puntos.

En arco tradicional homes o campión era o arqueiro Atila Vega Comesaña con 240 puntos. O subcampionato recaía en José García Gómez con 198 puntos. Con 184 puntos en terceiro posto remataba para Antonio Lorenzo Vidal.

En damas asistido a campiona era Dolores Bugarín Codeseda con 281 puntos seguida Mª Carmen Novoa Varela con 170 puntos.

 

En cadetes o primeiro posto era para Carlota Otero Cayetano con 97 puntos. Pablo Silva González e Iría Boullosa Currás obtiveron o segundo e terceiro posto con 89 e 68 puntos, respectivamente.

Este campionato contou co patrocinio da Secretaría Xeral para o Deporte e Mutuasport.