XXIV Campionato Provincial de Ourense de San Huberto

O pasado 5 de marzo desputouse no Tecor societario de Xinzo de Limia o Campionato provincial de Ourense de Caza San Huberto no que tomaron saída un total de 15 cazadores cos seus respectivos cans.

A proba contou coa organización da FGC de Ourense e coa colaboración da Sociedade de Cazadores de Xinzo de Limia. O Xurado de Competición estivo composto por Manuel Feijoo Castro e Antonio García Reinoso, sendo o Director da mesma José Castro Rivela. O xuíz encargado de valorar e puntuar as diferentes participacións dos cazadores foi Antonio Fraga Temprano.

O cazador Juan José Canosa Vigo co macho de pointer “Nike da Chousa” foi o que obtivo a mellor puntuación con 62 puntos e converténdose no campión da proba. Con 59 puntos o segundo clasificado era Roberto Dopico Dopico co setter inglés macho “Bruxo de Vilar de Donas”. O terceiro posto e proclamándose Campión Provincial era para Jaime Aneiros Ardao co pointer macho “Baco da Brisa” e 54 puntos. 

Jaime Aneiro Ardao, Jaime Aneiros Leira e Eliseo Faraldo compoñen a selección provincial de Ourense que representarán a dita provincia no vindeiro autonómico da especialidade.

Este campionato provincial contou co patrocionio da Secretaría Xeral para o Deporte, Mutuasport e Arion.