XXI Campionato Galego de Percorridos de Caza con Arco e Caza con Arco o Voo

O pasado 22 de agosto desputouse en Candán - Soutomaior (Pontevedra) o Campionato Galego de Percorris de Caza con Arco e o Campionato Galego de Caza con Arco ao Voo organizado pola Federación Galega de Caza e contando coa colaboración do Clube Cazarco.

No autonómico de Percorridos de Caza con Arco participaron un bo número de arqueiros chegados dende diferentes lugares da xeografía galega, nunha extraordinaria xornada para os apaixoados dos arcos e as frechas.

Un total de 6 propostas de enorme beleza e diferente complexidade, sobre siluetas 3D, fixeron as delicias dos arqueiros ao mesmo tempo que amosaban a pericia no manexo dos arcos.

Na categoría de Arco Asistido Masculino o primeiro posto da clasificación foi para o pontevedrés Jaime Villaverde Balado quen revalidou o título de Campión Galego da especialidade. En segunda posición situouse Eloy Álvarez Couñago. E xa na terceira posición clasificouse Ángel Villaverde Balado.

Na categoría de Arco Asistido Damas repetiuse case o mesmo podio da edición anterior e foi Dolores Bugarín Codeseda a que se convertía na nova Campiona Galega. Seguiuna a arqueira Mari Carmen Novoa Varela en segunda posición. Compretou o podio Marina Oliveira Amoedo.

En Arco Tradicional o primeiro posto do Campionato Galego foi para Jacobo Santoro Lorenzo seguido de José García Gómez en segunda posición. O bronce era para Antonio Lorenzo Vidal.

Carlota Otero Cayetano convertíase na Campiona Galega na categoría de Cadetes. O arqueiro David Alegre García e Mara Moreira Álvarez, ocuparon a segunda e terceira posición respectivamente da categoría.

Desputado o Campionato de Percorridos de Caza con Arco, tiña lugar posteriormente, o Campionato Galego de Caza con Arco ao Voo no que participaron un total de 5 equipos.

A proba desenrolouse sobre paspallás sementado e a pericia dos arqueiros fixo vibrar ao público alí presente.

Foi o equipo pontevedrés conformado polos arqueiros Jaime Villaverde e Pedro Martínez os que co seu can “Sil” conseguiron, novamente, o título de Campións Galegos da especialidade. En segunda posición remataron Jacobo Santoro e Marina Oliveira coa cadela “Vela” e o equipo formado por Miguel Rodríguez e Antonio Lorenzo coa bretona "Dora" acadaron a terceira posición. 

Estes Campionatos Galegos contaron co patrocinio da Secretaría Xeral para o Deporte e Mutuasport.