O pasado 15 de xaneiro, a Real Federación Española de Caza e as Federacións Autonómicas daban luz verde para a volta as competicións despois da súa paralización durante preto dun ano debido a complexa situación sanitaria á que se enfronta o pais.

Coa máxima responsabilidade a Federación Galega de Caza comenzará esta vindeira fin de semana a volta á competición. Unhas competicións que se organizarán e se desputarán de xeito diferente ao que estabamos acostumados pero nas que se buscará pouco a pouco a nova normalidade. Xa en días pasados houbo a primeira toma de contacto coa celebración dunha proba da Liga de Agility.

Temos que salientar que ante esta situación tan convulsa e incerta na que se atopa a sociedade en xeral tamén afecta ao mundo da competición sendo posible a modificación ou anulación de certas probas dependendo da situación sanitaria futura. Por todo isto a FGC pide máxima responsabilidade aos competidores ante esta nova etapa no eido da competición.

Destacar que tódalas competicións se axustarán ao Protocolo Fisicovid da FGC, aprobado por Resolución da Secretaría Xeral para o Deporte. Probas que se realizarán ao aire libre ou en instalacións deportivas ao aire libre, sendo obrigatorio o uso da máscara e cumprindo as medidas hixiénico-sanitarias en vigor en cada momento.