Vinte un  participantes tomaban parte o pasado día 6 de maio no Campionato Provincial ourensá de Compak Sporting celebrado baixo a disciplina e organización da Federación Galega de Caza de Ourense en combinación  cosa Sociedade de Tiro “A Goberna” de Beariz, que colaborou moi activamente nun torneo que se disputou envolvido nunha deportividade e camaradería exemplar.

De xuíces actuaron os titulares Rubén Martínez e Moisés Balboa. O exercicio desenvolveuse a 100 pratos, en dúas canchas e entre as 9 da mañá e as tres da tarde, sendo o nivel bastante bo e o  ambiente moi deportivo. Estes foron os resultados:

Clasificación xeral

• 1º, Daniel Cebreiro / Coruña. 87 puntos
• 2º, Roberto Rodríguez  Fernández. / Pontevedra, con 87

MELLORES DE OURENSE

• 1º e campión, Eliseo Faraldo con 79+24 pratos rachados.
• 2º e subcampión, José Manuel Fortes Lamas, con 79+23 dianas
• 3º, José Luís Saavedra, con 79+15 acertos.

Damas

• Mª de las Mercedes gañou en “Damas”, con 73 puntos

Xuvenís

• Lucas Otero Álvarez, con 56 pratos rachados.

Veteranos

• 1º, Antonio Castro Ferreiro, con 80 pratos
• 2º, Eliseo Faraldo Fernández, con 79
• 3º, José Manuel Fortes Lamas, tamén con 79 puntos.

Una ver rematada a tirada e no mesmo escenario competitivo procedeuse a entrega de trofeos e á clausura do Campionato contando coa presenza do Concelleiro de Beariz,  José Balboa, así como a do Presidente, Antonio García e o tesoureiro, José Castro Rivela, da Federación Galega de Caza en Ourense.