O pasado día 29 de abril, disputouse nas instalacións do Campo de Tiro Río Sar, o Campionato Provincial de A Coruña de Compak Sporting organizado pola Federación Galega de Caza en A Coruña en colaboración coa Sociedade Deportiva Río Sar.
Á proba acudiron un total de 41 tiradores que se enfrontaron a 100 pratos en diferentes canchas e con traxectorias moi diversas e con varios niveis de dificultade.
Foi o tirador Daniel Cebreiro García o que se impuxo na clasificación xeral con 86 pratos escachados. Un primeiro posto moi rifado xa que tamén con 86 pratos remataba o tirador Manuel García Pombo. O bronce foi para Ángel Mosquera Cornide con 85 pratos escachados.
Na categoría de veteranos impúxose o tirador Ángel Ramón Vidal Quintela 80 pratos, o mesmo número de pratos escachos que o segundo e terceiro posto que foron ocupados polos tiradores Elisardo Cea Cebreiro e Fernando Sánchez Mancebo, respectivamente.
Con 60 pratos o tirador Ángel Mosquera Rodríguez resultaba gañador en superveteranos e Antón Moure Segade subía ao máis alto da categoría de xuvenís con 67 pratos escachados.