O pasado sábado 3 de decembro os cazadores lucenses apaixoados pola caza da arcea tiñan unha cita no Tecor de A Terra Cha, desputábase unha edición máis do Campionato Provincial de Lugo de Caza de Arceas organizado pola Federación Galega de Caza en Lugo en colaboración coa Sociedade de Cazadores de dito Tecor.

Con boas sensacións en canto a presencia de arceas no Tecor, concentrábanse os cazadores, unha ampla participación que desmostra o incremento de apaixoados a esta caza en xeral e de cazadores lucenses en particular.

O campionato trascorreu sen imprevistos e tan so destacar a boa presencia de arceas, capturándose 9 e avistándose un bo número delas.  

Foi o cazador Francisco Javier López Salvador con 500 puntos o que acadou o primeiro posto converténdose deste xeito no novo campión provincial. Co mesmo número de puntos que o campión, Manuel Rodríguez Quiroga e Bernardo Traseira Rois acadaban o segundo e terceiro posto respectivamente.

A estes 3 primeiros cazadores clasificados acompañaranos Diego Martínez Guitián e José Aurelio Álvarez Álvarez conformando a selección lucense para o autonómico da especialidade.

Un xantar de irmandade e a entrega de premios puxo o punto e final a esta edición quedándo todo emprezado para o vindeiro sábado día 17 de decembro coa desputa do autonómico da especialidade.