A Consellería de Medio Ambiente e Ordenación do Territorio ven de habilitar a plataforma online que permitirá a tódolos cazadores e pescadores tramitar a súa licenza sen moverse da súa casa.
Ata o de agora esta plataforma só estaba dispoñible para as entidades bancarias colaboradoras, tal como se deducía do impreso que emitían para os interesados que fixeran a renovación da licenza nunha das súas oficinas.
Para poder tramitar a licenza online será necesario ou ben un certificado dixital ou ben dispoñer dos datos dunha licenza anterior, introducilos no sistema e posteriormente realizar o pago mediante tarxeta bancaria, para obter directamente o impreso da licenza correspondente, que pode ser imprimida nun papel convencional.
Trátase este dun avance que sen dúbida facilitará o trámite a moitos cazadores e pescadores, que agora poderán obter a súa licenza de xeito inmediato, sen esperas, e mesmo en horarios e días nos que non sería posible obter este documento. Tamén é posible volver imprimir calquera licenza en vigor en caso de extravío.
Esta posibilidade, que xa era posible dende hai tempo noutras moitas comunidades, é unha das melloras que a Federación Galega de Caza levaba tempo reclamando á Consellería de Medio Ambiente, e que por fin dende hoxe é operativa.
Para tramitar a súa licenza debe acceder a: