• Un rapaz de 16 anos, Lucas Otero, de Manzaneda,  terceiro na xeral

Tendo de anfitrión terras limiás, concretamente na zona  de “A Veiga da Forxa”,  Tecor de Porqueira, o sábado 22 de outubro, baixo a organización de Federación Galega de Caza en Ourense e a colaboración da entidade cinexética locataria, desenvolveuse con toda exitosidade o Provincial de Caza Menor con Can, clasificatorio para o Autonómico da especialidade, no que estarán presentes catro cazadores ourensáns.

A concentración de participantes, xuíces e acompañantes levouse a cabo ás oito da mañá na cafetería  da  “Gasolineira Antela”, en Xinzo, onde logo tamén tería lugar o xantar de confraternidade e de clausura. Unha vez revisada a documentación de cada un dos competidores, partiuse para o cazadeiro, dándose a saída pouco despois no punto coñecido como “Campo da Festa do Toxal” (Porqueira). Concluíndo o exercicio cunhos resultados positivo, levantándose unha trintena de pezas das que un total de 17 (15 paspallás, 1 lebre e 1 parrulo), foron capturadas.

CLASIFICACIÓN 

1º e campión, Rubén Martínez Bugallo (representante de Cartelle), con 760 puntos, Cazou coa bretona “Lis”.

2º e subcampión, Abel Andrés Otero (sociedade de Xinzo), con 400 puntos, Auxiliouse co pointer “Pol”.

3º, Lucas Otero Álvarez (representante de  Manzaneda), con 200 puntos. acompañouse co pointer “Rai”. Curiosamente este participante é un rapaz de 16 años que se estreaba na competición.

CLAUSURA

Logo do xantar oficial procedeuse a entrega de trofeos, proclamación dos gañadores e clausura do torneo. Acto no que estiveron presentes representantes da Federación de Caza en Ourense co seu Presidente, Antonio García Reinoso o fronte.

Salientar tamén, que a boa climatoloxía, o terreo de competición, e a boa camaradería e deportividade de tódolos participantes.