Mutuasport, a Mutua dos Cazadores, ampliará, a partir do vindeiro 1 de xullo, a cobertura que ofertaba nos seus anexos de cans, no caso de resultaran perdidos ou extraviados, ata un ano, cando ata o de agora víñao facendo por un mes.

Esta mellora, que se aplica a tódolos anexos de cans que oferta a aseguradora, responde a unha demanda que viñan facendo os cazadores de toda España dende hai tempo, e que nas ultimas semanas foi a Federación Galega de Caza quen tomou o pulso para finalmente conseguir que o Consello de Administración de Mutuasport a incorporase ás súas pólizas.

A compañía tamén decidiu ampliar o prazo de comunicación para a perda ou extravío dos cans, pasando das 48 ás 72 horas. A comunicación desta perda é imprescindible para activar a cobertura por perda ou extravío do can, polo que esta ampliación facilita enormemente a posibilidade de que os cazadores poidan acollerse a ela.

Esta mellora da cobertura dos anexos de cans realízase sen ningún custe adicional para o cazador federado, e aplicarase de xeito automático a tódolos anexos de cans a partir do vindeiro 1 de xullo.