Proba Puntuable para a Copa Galicia da especialidade

Máis de 30 cans e monteiros déronse cita o pasado 30 de abril en Vilagarcía de Arousa para participar  nunha proba de Cans de Rastro Atrelados sobre Xabaril organizado pola Sociedade de Cazadores de Karsita e contando coa colaboración da Federación Galega de Caza de Pontevedra.

Alto nivel e participación fixo que se puidesen ver extraordinarias presentacións do binomio monteiro – can no rastrexo do suido.

Foi o participante José Luis Iglesias Neira o que co seu can de nome “Cañón” acadase o primeiro posto da clasificación final con un total de 243,5 puntos. Con 231,5 puntos e en segunda posición situouse Álvaro Fontenla con “Piñon”. Antonio Sánchez Sexto co seu can “Tito” completaba o podio cun meritorio terceiro posto con 211,5 puntos.

Un xantar de irmandade e a entrega de premios, na que interviñeron directivos da Sociedade de Cazadores de Karsita e o presidente da Federación Galega de Caza de Pontevedra, Francisco Couselo, puxo o punto e final a esta proba.