Participaron 36 paxaros e as puntuacións foron altas
Tendo de escenario terreos preto do Centro Ecuestre de Xinzo de Límia. Unha participación que ascendeu a 36 paxaros (17 harris, 15 azores e 4 falcóns) e baixo a organización da Sociedade Galega de Cetrería que a súa vez se encadra na disciplina da Federación Galega de Caza, os pasados días 31 de outubro e 1 de novembro disputouse exitosamente o Campionato Galego de Cetrería nas modalidades de “altanería e baixo voo, azores e harris”, que contou cunha climatoloxía axeitada para o seu desenrolo o que propiciou unhas boas marcas a dicir dos xuíces.
O sábado iniciábanse os voos logo das nove da mañá, con algo de vento e chuvia que remitirían pouco despois, sendo contados os cetreiros que o final da xornada superaban esta criba preliminar. Mentres o domingo, con igual horario de inicio, o exercicio concluía coas primeiras horas da tarde, para logo celebrarse un xantar campestre e, o seu final, levarse a cabo a proclamación de campións e a entrega de trofeos. Amosándose satisfeita co acontecido a Presidenta da Asociación cetreira, Dolores Abella, aínda que tamén un tanto contrariada -o igual que o resto de participantes- polo cambio de escenario imposto polo CEPA, o considerar a zona deste ano “non apta para a celebración destas probas dada a maleza e as árbores existentes nas lindes”. Dous factores negativos que, desde logo, non facilitaron para nada o traballo e bo facer dos protagonistas: os paxaros.
CLASIFICACIÓN
Harris
- 1º / Francisco González
Altanería
- 1º e 2º, Óscar López, cun falcón híbrido e un peregrino, 84 puntos e 67 puntos, respectivamente.
- 3º, Roxelio Domínguez, con 61,3 puntos.
Baixo Voo / Harris
- 1º / Fran González 107 puntos
- 2º / Brais Otero 96
- 3º / Rubén Crespo 92,7
Baixo Voo / Azores
- 1º / Pedro Sanjuan (Tje.) Puntos 129
- 2º/ Iván Álvarez Pedro Sanjuán / 115, 7
- 3º/ Pedro Sanjuán (354) / 113,7
Campións Galegos en Azores
- Víctor Lama. /108, 7 (6º na xeral)
- Dolores Abella /96 (7ª na xeral)
- Pablo Paz. con 50 puntos (9º na xeral)