Campionato Provincial de Pontevedra de Cans de Rastro Atraelados sobre Xabaril en Xeve

A Sociedade de Caza de O Campo acollía unha edición máis do Campionato Provincial de Pontevedra de Cans de Rastro Atrelados sobre xabaril organizado pola FGC de Pontevedra.

A choiva non amedrentou aos monteiros que acudiron, en moi bo número, a participar nesta fase provincial clasificatoria para o autonómico da especialidade. Máis de 30 monteiros con 42 cans tentaron facerse un oco na fase final na que resultaba claro dominador o monteiro Francisco Rodeiro Eiras ao acadar o primeiro e segundo posto cos cans “Cho” e “Rato” con 228 e 218 puntos respectivamente. Na terceira posición, con 205 puntos, situábase o monteiro pontevedrés Salvador Sestelo Núñez co seu can “Vikingo” acadando deste xeito o título de campión provincial.

A FGC de Pontevedra nas súas tarefas de promover a participación de xóvenes na caza e na competición cinexética outorgou o título de “Campión Xuvenil”  a Fran Abelleira Caramés.

A Selección Provincial quedou composta polos seguintes monteiros: Salvador Sestelo, Antonio Sánchez, Álvaro Fontenla, Generoso Aragunde, Juan A. Frieiros, Adolfo Vázquez, Agustín Vigo, Manuel Bujan, Oscar Alvela e Miguel A. Feijoo.

Un xantar de irmandade e a entrega de premios por parte dos directivos da sociedade de caza e da FGC de Pontevedra, entre os que se atopaba o presidente provincial Francisco Couselo, puxo o punto e final a esta fase provincial clasificatorio para o autonómico da especialidade que terá lugar o vindeiro 4 de xullo.