Campionato Provincial de A Coruña de Caza Menor con Can

O pasado sábado 25 de outubro disputouse nos terreos do Tecor de A Magdalena, no concello de O Pino, o Campionato Provincial de A Coruña de Caza Menor con Can organizado pola Federación Galega de Caza en A Coruña en colaboración coa Sociedade de Cazadores de dito Tecor.

A esta fase provincial acudiron un total de 16 cazadores, e foi un campionato que, sen dúbida, estivo marcado pola abundante caza avistada, que xunto coa boa climatoloxía reinante durante toda a xornada, permitiu gozar aos cazadores dunha boa xornada cinexética.  

Foi o cazador Manuel Taboada Vigo o que obtivo mellor resultado o acadar o título de Campión Provincial con 1650 puntos. En segunda posición remataba Rubén Boquete Varela tamén con 1650 puntos. Juan Manuel Carou Rey tíñase que conformar coa terceira posición deste campionato acadando a mesma puntuación que o seu compañeiro Barge Vilela.

A estes tres cazadores acompañaranos Fabián Barge Vilela, Daniel Cebreiro García e Belisario Bertoa Suárez, conformando deste xeito o equipo que representará a esta provincia no vindeiro Campionato Galego da especialidade que se disputará o próximo día 8 de novembro.